Qytetarët ankohen në vlerësimin e dëmeve nga Byroja e Sigurimeve

Kosovarët të cilët jetojnë jashtë vendit ankohen që kompanitë e sigurimeve nuk po i trajtojnë me korrektësi.

Selim Hasanaj nga Komuna e Istogut që nga 29 prilli i këtij viti është duke udhëtuar në relacionin Istog-Prishtinë për të marrë dëmshpërblimin për aksidentin në komunikacion.

Ai ka thënë se për të mbyllur procedurën ka shpenzuar shumë më tepër sesa 59 euro, sa i është vlerësuar dëmi nga Byroja Kosovare e Sigurimeve (BKS), shkruan Koha Ditore.

Hasanaj ka thënë se BKS-ja e ka hedhur poshtë vlerësimin e dëmit të një mekaniku privat, që ishte dy herë më i lartë. Përveçqë i cilëson të gabuara vlerësimet e dëmeve, ai kritikon kompanitë e sigurimeve për procedura të ngadalshme.