QKMF në Gjilan furnizohet me 25 kompjuterë dhe 5 printerë

Gjilan – Në vazhdën e krijimit të kushteve sa më të mira për pune dhe ngritjen e cilësisë së shërbimeve shëndetësore, Qendra Kryesore e Mjekësisë Familjare (QKMF) në Gjilan, është furnizuar me 25 kompjuterë dhe 5 printerë për të gjitha shërbimet.

Drejtori i QKMF-së, Fejzulla Berisha, ka bërë me dije se me këto pajisje të nevojshme për punë është furnizuar administrata, shërbimi i Mjekësisë Familjare, Shërbimi i Stomatologjisë, Shërbimi i Barnatores, Shërbimi i Laboratorit, Shërbimi i SISH-it (sistemi informimit shëndetësor).

Berisha ka pohuar se përpos kësaj, me kompjuterë janë furnizuar edhe të gjitha Qendrat e Mjekësisë Familjare në qytet si dhe disa fshatra.

Të gjitha këto investime, sipas drejtorit të QKMF-së Fejzulla Berisha, po bëhet për ta ngritur performancën në punë të personelit shëndetësor, gjithnjë për shërbime sa më kualitative për qytetarët e Gjilanit./rajonipress/