Qindra studentë kërkojnë nga komuna që të sigurojë internetin në Bibliotekën e qytetit “Fan S. Noli”

Gjilan – Të hënën me iniciativën e studentëve është dorëzuar një peticion drejtuar kryetarit të Komunës së Gjilanit z. Lutfi Haziri, përmes të cilit kërkohet që të sigurohet interneti për Bibliotekën e qytetit “Fan S. Noli”.

Ka tre vite që ky institucion ka dalë në objekt të ri dhe ende nuk ka internet në shërbim të lexuesve. Ky fakt dukshëm po e cungon procesin e mësimit dhe po e defunksionalizon bibliotekën, kur dihet se në kohën në të cilën po jetojmë shumica e literaturës sigurohet në mënyrë elektronike.

Presim nga kryetari veprim konkret dhe të shpejtë thuhet në njoftimin e Ujmir Krasniqit përfaqësues i Studentëve të Bibliotekës./rajonipress/