Qindra miliona i “firojnë” buxhetit në veri

Sipas një llogaritjeje, që ka bërë AKB-ja në vitet e fundit, buxheti i Kosovës ka humbur për çdo vit mbi 200 milionë euro vetëm në pjesën veriore të Kosovës, që është vendi, ku më së shumti zhvillohet ekonomia e paligjshme.

Mallrat ilegale destabilizojnë tregun, rrezikojnë qytetarët.

Sipas një llogaritjeje, që ka bërë AKB-ja në vitet e fundit, buxheti i Kosovës ka humbur për çdo vit mbi 200 milionë euro vetëm në pjesën veriore të Kosovës, që është vendi, ku më së shumti zhvillohet ekonomia e paligjshme,raporton Gazeta Kosova Sot

Analistë të ekonomisë, përfaqë- sues të shoqërisë civile dhe të shoqatave të bizneseve, por edhe opozita thonë se Qeveria e ‘Isa Mustafës’ mund të mburret se javën e shkuar e ndali trenin serb, që tentoi të futej ilegalisht në Kosovë, por nuk mund të mburren me faktin se veriu i Kosovës që nga paslufta e deri më sot është bërë “një parajsë” e kontrabandistëve.

Sipas tyre, nga evazioni fiskal dhe kontrabanda, që po vazhdon të bëhet në veri, buxheti i Kosovës po pëson me miliona euro humbje. Zyrtarët e Qeverisë kosovare nuk tregojnë se sa janë të mëdha humbjet nga kontrabanda dhe evazioni fiskal, që po e bëjnë së bashku kontrabandistët shqiptarë dhe kontrabandistë serbë.

Ditë më parë ministri i Financave, Avdullah Hoti, e ka pranuar botërisht se Qeveria e Kosovës po ballafaqohet me një shkallë të lartë të informalitetit, që është diku mbi 30 për qind dhe e njëjta është e përafërt me rajonin e Ballkanit. Sipas ministrit Hoti, aktivitetet e paligjshme zhvillohen kryesisht në pjesën veriore.

Humbje të mëdha buxhetore Agim Shahini, lider i AKB-së, tha se nga paslufta e deri sot veriu i Kosovës vazhdon të mbetet burimi kryesor i ekonomisë joformale. Sipas përllogaritjeve, këto humbje arrijnë pothuajse 20 për qind të buxhetit total të Kosovës, është shprehur ai. “Ne si AKB jemi marrë me hulumtimin e ekonomisë joformale në pjesë të ndryshme të Kosovës dhe shifrat na thonë se mbi 30 për qind e mallit në tregun kosovar llogaritet të jetë treg i zi.

Ndërkaq, sipas një llogaritjeje që ka bërë AKB-ja në vitet e fundit, buxheti i Kosovës ka humbur për çdo vit mbi 200 milionë euro vetëm në pjesën veriore të Mitrovicës dhe pjesën veriore të Kosovës, që është vendi ku më së shumti zhvillohet ekonomia e paligjshme”, është shprehur Shahini.

Ai tha se këto hulumtime të AKB-së dhe ato të disa organizatave ndërkombëtare tregojnë se zhvillimi i ekonomisë joformale në Kosovë dëmton buxhetin për rreth 700 milionë euro në vit. I pari i AKB-së shton se Qeveria e Kosovës, pas aktit të ndaljes së trenit serb, që e bëri, duhet që sa më shpejt të vënë nën kontroll gjithë veriun e vendit, e sidomos dy vendkalimet kufitare, në Jarinje dhe në Bërnjak, ku nëpërmes rrugëve ilegale, që tashmë janë bërë thuajse legale, po fusin mallra pandërprerë./kosova sot/