Qifti Morina ndihmon Spitalin e Gjilanit me një kontingjent në paisje mjekësore nga Gjermania

Gjilan – Të premten në Spitalin e Gjilanit ka arritur kontingjenti me ndihma humanitare me pajisje mjekësore nga Klinika Gjermane e Gajslingenit njoftoj Selami Kurteshi zëdhënës i spitalit. Sipas tij për këtë donacion është përkujdesur qifti bashkëshortorë Zylfije dhe Faton Morina, të cilët punojnë dhe veprojnë në Gjermani, poashtu rreth këtij donacioni është angazhuar edhe Leonora Morina Bunjaku këshilltare komunale nga radhët e PDK-së.

Kurteshi tha se ky kontingjent me ndihma humanitare me pajisje mjekësore është dashur të arrijë dje në SPGJ, por për shkak të disa procedurave ligjore nuk ka mundur të arrijë në kohë.

Drejtori i SPGJ-së, Abdyllatif Latifi në emër të gjithë punëtorëve të Spitalit ka falënderuar këta bashkatdhetarë në Gjermani për kontributin e dhënë në këto pajisje mjekësore, duke pasur parasysh nevojat e pacienteve tanë për këto pajisje, poashtu edhe në lehtësimin e punës së punëtorëve shëndetësorë.

Latifi ka falënderuar edhe shefin e doganës te “Dheu i Bardhë” në angazhimin e tij për lehtësimin që ky donacion sa më shpejt të arrijë në Spital, edhe pse për arsye të pengesave ligjore, ky donacion arrin me një ditë vonesë tha Kurtshi./rajonipress/