Qeveritë shqiptare të punojnë për Luginën e jo ta përdorin atë për marketing politik

Gjilan – Në prag të mbledhjes së dytë të dy qeverive, shprehim një notë kritike për të dy qeveritë atë të Kosovës dhe të Shqipërisë, se e kanë harruar Fondin për Luginën dhe nuk kanë zbatuar pika të rëndësishme të dala nga rezoluta e vitit 2013, që është miratuar në Kuvendin e Kosovës thuhet në reagimin e Lëvizjes “Vatra”.

Nga miratimi i rezolutës e deri tani ka pasur vetëm një shkëndijë në këtë drejtim, ku qeveria e Kosovës në vitin 2014 ndau vetëm 100 mijë euro për këtë fond zhvillimor që u krijua në bashkëpunim me Qeverinë e Republikës së Shqipërisë.

Ky fond nuk u bë fond i përhershëm ashtu siç u kërkua në rezolutë por mbeti vetëm ad-hoc dhe kjo shumë aq e vogël sa u dha nga dy qeveritë e Kosovës dhe ajo e Shqipërisë u përdor dhe si adut tallës nga kryeministri Vuçiq gjatë vizitës në Preshevë. ku tha: ‘se ata të juajt nuk po ju dëgjojnë fare”.

Nevojat e qytetarëve të Luginës janë shumë të mëdha, duke ditur diskriminim që po i bën regjimi i Serbisë tri komunave, asaj të Bujanocit, Preshevës, dhe Medvegjës, në ndarjet buxhetore duke i ndarë vetëm një shumë simbolike sa për të thëne në sytë e opinionit se ja edhe këtyre komunave ne i ndajmë buxhet.

Kjo ka bërë që nevoja për investime nga Kosova dhe Shqipëria të jetë shumë e mirëseardhur dhe shumë jetike për këta banorë.

Tani shohim znj. Edita Tahiri që fletë se do të diskutohet për Luginën, mirë do ishte të diskutonte aty ku është vendi e kuvendi, në bisedimet në Bruksel e jo në portale e gazeta të Kosovës, sepse kjo vetëm sa po i irriton luginasit, të cilët nuk po shohin ndonjë sinqeritet nga ana e Kosovës dhe e Shqipërisë thuhet në njoftimin e “Vatrës”./rajonipress/