Qeveritarët e shterin buxhetin

Për vetëm tre muaj, Ministria e Infrastrukturës i ka shpenzuar më shumë se gjysmën e parave që i ka në dispozicion t’i shpenzojë gjatë gjithë vitit për mallra dhe shërbime.

Në raportin tremujor të buxhetit për vitin 2013, shihet se nga 7.5 milionë euro sa i janë ndarë në fillim të vitit për këtë kategori, deri në fund të muajit mars nga kjo ministri janë bërë pagesa në vlerë 3.9 milionë euro.

Megjithatë, të dhënat tregojnë se zyrtarët e këtij institucioni nuk janë të vetmit që ia kanë rritur luksin vetes me paratë e shtetit dhe i kanë lënë anash investimet kapitale.

Ministria e Zhvillimit Ekonomik ia ka kaluar asaj të Infrastrukturës me shpenzime, por në një kategori tjetër. Nga 24 milionë euro para në kategorinë e Subvencioneve dhe transferove i ka shpenzuar 14.8 milionë euro apo 60 për qind të buxhetit për këtë kategori (Tribuna).