Qeveria vendos t’i regjistrojë mërgimtarët

Qeveria në Prishtinë ka marr sot vendim që të nis procedurat për regjistrimin e të gjithë mërgimtarëve të Kosovës, potencialin e tyre intelektual dhe ekonomik.

Ekzekutivi miratoi sot në mbledhjen e vet koncept dokumentin, i cili ka shtron nevojën për krijimin e një baze të të dhënave të mërgimtarëve dhe evidentimin e shpërndarjes së tyre në vendet e ndryshme të botës.

Sipas një komunikate të qeverisë, regjistri i mërgimtarëve do të përmbajë të dhënat për numrin, moshën, gjininë, profesionin, nivelin e arsimit, fuqinë e tyre intelektuale dhe ekonomike, organizimin e tyre në shoqata dhe organizime tjera.

“Krijimi i një pasqyre të drejtë të shtrirjes gjeografike, numrit, potencialit intelektual-ekonomik dhe social të diasporës do të mund të vihet në shërbim të zhvillimit të vendit”, thuhet në komunikatën e qeverisë.

Ky regjistrim, thuhet se do tu shërbejë autoriteteve qëndrore për hartimin e politikave për mërgatën dhe shpërndarjen e informatave si dhe inkurajimin e mërgatës për të marr pjesë në zhvillimet socio-ekonomike të vendit. /REL/