Qeveria thotë se për veteranët vendos Prokuroria

Hetimet rreth pastrimit të listave për veteranët e Ushtrisë çlirimtare të Kosovës do të jenë në të drejtën e Zyrës së Prokurorit të Shtetit.

Këshilltari politik i kryeministrit Mustafa, Faton Abdullahu, thotë se është çështje e prokurorisë të vendos se si dhe çfarë do të ndërmarr për këtë çështje.

“Është në të drejtën e Zyrës së Prokurorit të Shtetit të vendos se si dhe çfarë do të ndërmarr për këtë çështje. Ne jemi shtet me pushtete të ndara dhe ky parim demokratik duhet të respektohet në të gjitha sferat”

Kryetari i Këshillit për Mbrojtjen e Veteranëve të UÇK-së, Xhevdet Qeriqi ka thënë se Qeveria është përgjegjëse për fyerjen e listave dhe se ajo duhet ti pastrojë, pasi që në lista janë futur njerëz padrejtësisht.

Të enjten kryeprokurori i Shtetit Aleksander Lumezi ka kërkuar nga prokuroritë kompetente fillimin e grumbullimit të informatave për nisjen e hetimeve mbi keqpërdorimet e mundshme në listat e veteranëve të UÇK-së./tribuna/

Kronika nga Tribuna Channel.