Qeveria Thaçi në mars “mbledh plaçkat”

Të hënën në ora 16 zhvillohet mbledhja e Këshillit të Përgjithshëm të LDK-së. Kjo në vazhdën e përpjekjes së LDK-së për të shtrënguar rripin që pas tre javësh (në mars) për ta rrëzuar Qeverinë Thaçi. Në fakt për këtë mbledhje është propozuar se rend dite do të jetë “Shqyrtimi dhe aprovimi i Raportit për Zgjedhjet lokale të vitit 2013 dhe përgatitjet për zgjedhjet e përgjithshme”. Por pritet edhe paralajmërimi për rrëzimin e qeverisë.

Në mbledhjen e LDK-së të zhvilluar të premten, lideri Isa Mustafa u ka sqaruar kryetarëve të degëve se LDK-ja s’do të pranojë në asnjë mënyrë propozimin për vendet e rezervuara për minoritetet, dhe si pasojë pritet që reforma zgjedhore të ngec, dhe se LDK-ja pranon të shkoj në zgjedhje edhe më këtë system të vjetër zgjedhor.

Burime nga LDK-ja kanë thënë se aktualisht kanë filluar bisedimet me dy partitë kryesore opozitare për tu koordinuar për rrëzimin e qeverisë Thaçi. Një kordinim i mirë pritet të sjellë rrëzimin në javën e dytë të marsit, shkruan Bota Sot.

Aktualisht përllogaritet se Thaçi nuk kontrollon më shumë se 51 deputetë në parlament, që nënkupton se 51 deputetët e tij nuk mund ta shpëtojnë qeverinë aktuale gjatë mocionit të mosbesimit që do të propozohet në mars nga LDK-ja dhe opozita e koordinuar./Bota Sot/