Qeveria planifikon uljen e papunësisë me shpërnguljen e fuqisë punëtore

Që kur po sundojnë vendin Qeveria e ‘Isa Mustafës’ dhe partneri i koalicionit, Hashim Thaçi, ndonëse patën premtuar disa qindra mijëra vende pune gjatë fushatës së zgjedhjeve nacionale nuk e arritën këtë qëllim.

Ndonëse i premtuan 350 mijë vende të reja pune, gjatë kësaj kohe nga Kosova u larguan 130 mijë qytetarë dhe këto premtime boshe mbesin gënjeshtrat më të mëdha elektorale të Isa Mustafës dhe Hashim Thaçit. Tash dy vite pas këtyre premtimeve bombastike të koalicionit aktual ata po duket se më në fund e kanë gjetur “formulën sekrete” të punësimit qytetarëve të vendit, që po e sundojnë.

Sipas formulës së pushtetarëve, Mustafa-Thaçi, u dëshmua se e vetmja mënyrë për ta zvogëluar papunësinë në Kosovë është largimi i fuqisë punëtore nga Kosova, që më pas po të njëjtat këto shifra ata po i paraqesin se janë shifra të arritjeve të tyre në punësim, shkruan gazeta Kosova Sot.

Premtimet mashtruese

Deputeti i opozitës, Enver Hoti(Nisma), thotë se dy liderët e koalicionit në zgjedhjet nacionale të vitit 2014, qytetarëve të vendit u patën premtuan së bashku se do të hapin 350 mijë vende të reja pune.

Opozitari Hoti përkujtoi se “motoja elektorale e PDK-së përkatë- sisht e Hashim Thaçit me “Misioni e ri ” e premtonte Fondin e punësimit dhe 200 mijë vende të reja pune.

Kurse partneri i koalicionit, Isa Mustafa i LDK-së, aktualisht kryeministër i Republikës, e kishte sloganin “Vetëm ne mundemi” dhe premtonte 150 mijë vende të reja pune”. “Por, tash dy vite që kur ndodhen në pushtet këta dy liderë, ata sikur i harruan premtimet elektorale dhe e zbrazën Kosovën sikur të ishin vitet e 90-ta, kur iknin nga regjimi Milosheviqit, pasi që nga Kosova janë shpërngulur më shumë se 130 mijë qytetarë të Kosovës”. Sipas Hotit, janë politikat e paskrupullta të Qeverisë së Isa Mustafës, të cilat u ofrojnë qytetarëve të vet në vend të punësimit dhe atyre ua sigurojnë emigrimin ilegal./kosova sot/