Qeveria Kurti do ta mbaj bajrakun për mostransparencë në të gjitha proceset
Politologu Albinot Maloku, tha se Qeveria Kurti do ta mbaj bajrakun për mostransparencë në të gjitha proceset.
Maloku tha se sa i përket çështjes së dinarit, do të duhej të kishte një dakordim në Bruksel, ani pse u shpreh se pajtohet që nuk do të duhej të merrnin pjesë kryenegociatorët.
“Për qasje e nivelit maksimal të jotransaprencës për të gjitha proceset, qeveria aktuale do të mbaj bajrakun dhe se hamendësimet nuk janë të shëndetshme për faktin e mospasjes jo vetëm të koordinimit të Kosovës me ndihmuesit e saj por edhe rrethanat dhe kapacitetet dhe mundësitë e Kosovës për të jetësuar vendimet e veta”, tha ai.
Maloku shtoi se mendon që mirë ka bërë zv. kryeministri, Besnik Bislimi, që e ka refuzuar pjesëmarrjen në Bruksel për ta diskutuar vendimin e BQK-së, megjithëse tha se edhe çështja e targave ishte diskutuar në Bruksel në të kaluarën.
“Çështja e targave ka qenë pjesë e diskutimit në Bruksel në disa periudha, në fillim kemi pas qytetar të Kosovës për të kaluar në kufirin e Serbisë, ka qenë me faza. Ishte vendim i drejtë, u bë bujë e madhe, serbët i shfrytëzuan, bënë inatin për të mos marrë pjesë në proces zgjedhor dhe donin ta bënin kusur për momente politike. Kurse momenti i pranimit, i njohjes së një fakti, ishte pjesë e marrëveshjes së Brukselit. Tani sikundër pjese kësaj edhe procesi aktual i çështjes së dinarit do të duhej të kishte një proces në kuadër të Brukselit por derisa nuk është, nuk është vendi, jo në nivelin e kryenegociatorëve, kam përshtypjen që në këtë çështje ka pas të drejtë Bislimi sepse do të duhej të shkonin nivelet e njëjta, guvernatorët”, tha Maloku.
Ai shtoi se Bashkimi Evropian është në kaos të vizionit të vet në raport me çështjen e dialogut Kosovë-Serbi.
“BE është në një kaos të vizionit të vet në raport edhe me çështjen e dialogut. Këtë kaos po e shfrytëzon me sukses Vuçiqi por që nuk është se nuk po i shkon për shtati edhe Kurti. Si pasojë e mospasjes së këtij vizioni nga ana e BE-së, e kemi këtë gjendje që vihet në pikëpyetje edhe dialogu pavarësisht se është obligim për Republikën e Kosovës”, tha ai./teve1