Qeveria i kërkon BE-së të ndërmarrë masa ndaj Serbisë për njohjen e diplomave të Kosovës

Vendimi për mosnjohje të diplomave llogaritet se do të dëmtojë dhe do të diskriminojë një numër të madh të ish-studentëve të Luginës së Preshevës, apo edhe të tjerë, të cilët kanë marrë diploma universitare në Kosovë.

​Gjykata Kushtetuese e Serbisë ka nxjerrë vendim për të mos njohur diplomat universitare të Kosovës, ndonëse gjatë negociatave mes Prishtinës dhe Beogradit është arritur marrëveshje për njohjen reciproke të tyre dhe për këtë madje është nxjerrë edhe një Rregullore.

Vendimi për mosnjohje të diplomave llogaritet se do të dëmtojë dhe do të diskriminojë një numër të madh të ish-studentëve të Luginës së Preshevës, apo edhe të tjerë, të cilët kanë marrë diploma universitare në Kosovë.

Krerë të Qeverisë së Kosovës po kërkojnë nga Bashkimi Evropian, si garantues i marrëveshjes për njohjen e diplomave universitare mes të dyja vendeve, që të ndërmarrë masa për implementimin e saj. Nga Zyra e BE-së në Prishtinë përgjigjen se është krijuar mekanizmi për certifikimin e diplomave të të dyja vendeve, të cilat pastaj njihen në mënyrë të ndërsjellë, raporton KD.