Qeveria demanton Thaçin për pagat

Sikur premtimi të futej në projeksione buxhetore, për paga e mëditje buxheti i 2015-s do të duhej të planifikonte rreth 700 milionë euro, ndërkaq në 2017-n gati një miliard euro. Mirëpo, sipas dokumenteve në fuqi, për të njëjtin qëllim në 2015-s do të ndahen 520 milionë euro, e në 2017-n 525 milionë euro

Zotimi i kreut të Qeverisë për t’i dyfishuar pagat në katër vitet e ardhshme, nuk gjen mbështetje në projeksionet buxhetore që i referohen kësaj periudhe.

Korniza afatmesme e shpenzimeve, e miratuar dy javë më parë, parasheh që pas tri viteve të arkëtojë 4.74 miliardë euro, që i bie se mesatarja vjetore të jetë e përafërt me buxhetin e sivjetmë, shkruan “Koha DItore”.

Sikur premtimi të futej në projeksione buxhetore, për paga e mëditje buxheti i 2015-s do të duhej të planifikonte rreth 700 milionë euro, ndërkaq në 2017-n gati një miliard euro. Mirëpo, sipas dokumenteve në fuqi, për të njëjtin qëllim në 2015-s do të ndahen 520 milionë euro, e në 2017-n 525 milionë euro.

Kabineti qeveritar ka miratuar këtë javë Kornizën afatmesme të shpenzimeve, e cila demanton atë çfarë ka deklaruar Thaçi. Ky plan fiskal dhe dokumente të tjera nuk parashohin shpërndarje të tillë buxhetore, sa për të dyfishuar pagat brenda katër vitesh.