Qeveria aprovon shpronësimin e pronave në Kapi

Kamenicë – Nënkryetari i Komunës së Kamenicës Fatmir Matoshi ka njoftuar se sot Qeveria e Kosovës në mbledhje të rregullt e ka aprovuar propozim vendimin preliminar për shpronësimin e pronave rreth pikës kufitare në Kapi të Sfircës.

“Qeveria e Kosovës sapo miratoi vendimin preliminar për shpronësimet e pronave që prekin ndërtimin e pikës kufitare në Kapi të Sfircës që lidhë Kamenicën me Medvegjën. Me vendim unanim kabineti qeveritar përmbylli bazën ligjore dhe tani pritet së shpejti fillimi i punimeve dhe pastaj edhe hapja e pikës kufitare e cila pas shukë vitesh ndarje mes qytetarëve do të shërbejë për tu bashkuar dhe lëvizur në dy anët e kufirit” ka shkruar Matoshi.

Hapja e pikëkalimit kufitar në Kapi të Sfircës do të bëhet këtë vit në bazë të kërkesës së Komunës së Kamenicës dhe Komunës së Medvegjës dhe marrëveshjes së arritur në Bruksel midis ekipeve negociatore të Kosovës e Serbisë. /rajonipress/