“Qetësohet” Karaqeva

Gjilan – Menjëherë pas protestës paqësore që organizojë fshati Karaqevë në mbrojtje të vijës kufitare dhe për të stopuar hyrjen e xhandarmërisë serbe janë vërejtur reagimet pozitive nga ana e organeve të sigurisë. Selver Lenjani përfaqësues i fshatit tha për rajonipress se tani ka patrullime të policisë dhe KFOR-it gjatë tërë ditës dhe natës. Jemi qetësuar dhe ndihemi më të relaksuar tani tha ai.

Protesta paqësore që u organizua nga banorët e brezit kufitarë të Karaqevës për të stopuar hyrjen e xhandarmërisë serbe në territorin e Kosovës tashmë ka dhënë efektet e para raporton rajonipress.

Selver Lenjani përfaqësues i fshatit Karaqevë tha për rajonipress se menjëherë pas protestës policia dhe KFOR-i janë koordinuar dhe kanë filluar patrullimet e përbashkëta përgjatë vijës kufitare.”Ndihemi më të qetë dhe më të relaksuar. Tani policia e Kosovës dhe KFOR-i po patrullojnë edhe ditën edhe natën. Jemi më të relaksuar dhe kemi më shumë siguri “ tha Lenjani.

Lenjani tha se tani edhe banorët ndihen më të qetë sepse kanë filluar të punojnë edhe tokat e tyre afër xhandarmërisë serbe.”Gjendja dukshëm është përmirësuar dhe shpresojmë se kështu do të jetë edhe ditëve në vijim” tha Lenjani.

Ndryshe këtyre masave të sigurisë në vijën kufitare Kosovë-Serbi u ka paraprirë protesta paqësore e mbi 3000 banorëve të Karaqevës. Në këtë protestë ku merrte pjesë edhe kreu i Kamenicës Shaip Surdulli u tha se nuk do të ketë asnjë lëvizje të banorëve përkundër presioneve e provokimeve të xhandarmërisë serbe.

Shaip Surdulli ka kërkuar nga institucionet qendrore që ta trajtojnë më me kujdes problemin e Karaqevës derisa vet ka premtuar se Komuna e Kamenicës do të ndihmojë dhe do ta ketë si prioritet Karaqevën dhe nevojat e saja./rajonipress/