Qershitë parandalojnë shumë sëmundje

Qershitë janë shumë të pasura me antioksidante dhe me flavonoide. Për shkak të përmbajtjes së lartë të tyre besohet se ato mund të qetësojnë dhimbjen dhe vetëm një sasi e vogël e këtyre frutave ka efekt më të mirë se një aspirinë, transmeton “Zeri”.

Qershitë njihen si fruta me veti shumë të mira shëruese dhe këtë së fundmi e kanë vërtetuar edhe shkencëtarët. Studimi i fundit ka treguar se qershitë ndikojnë në parandalimin e sëmundjeve të zemrës, shëndetit të kockave dhe qetësimit të dhimbjeve.

Qershitë janë shumë të pasura me antioksidante dhe me flavonoide. Për shkak të përmbajtjes së lartë të tyre besohet se ato mund të qetësojnë dhimbjen dhe vetëm një sasi e vogël e këtyre frutave ka efekt më të mirë se një aspirinë. Për shkak të sasisë së lartë të borit, magnezit dhe kalciumit, qershitë janë forcues të mirë të kockave. Besohet se shumë shpejt mjekët do të fillojnë t’i rekomandojnë si ilaç në recetë.

Për fat të mirë, tani qershitë mund të gjenden gati gjatë tërë vitit, prandaj mos ngurroni për t’i konsumuar. Sipas studimit të ekspertëve, rezultatin më të mirë e arrijnë qershitë e freskëta, por në mungesë të tyre, një efekt mjaft të mirë mund ta kenë edhe qershitë e konservuara, pasi edhe ngrirja apo përpunimi i tyre, shumë pak ndikon në humbjen e cilësive kuruese të saj. Edhe lëngu nga qershitë jep efekte të mira ndaj sëmundjeve të cekura më lartë, por jo sa konsumimi i vetë frutave./Zeri/.