Qershitë, mike të mirëqenies dhe shëndetit ton

Duke pasur parasysh që kanë pak kalori, dhe shumë veti shëndetësore mos hiqni dorë nga qershitë, por duhet të jenë të freskëta dhe të pjekura mirë. Më poshtë janë disa nga vlerat e këtij fruti.

Mike të linjave – Qershitë të japin ndjesinë e ngopjes, e mbi të gjitha kanë pak kalori. Janë një vakti i mirë rifreskues për pasditet e nxehta të verës. Për më tepër, bishtat e qershisë të ziera me ujë, me pak kanellë krijojnë një çaj dezintoksikues, diuretik dhe qetësues, dhe shumë të nevojshëm për të luftuar celulitin.

Luftojnë plakjen– Këto fruta të vogla dhe të parezistueshme përmbajnë vitaminë A, C dhe ato të grupit B. Janë një burim i fortë oligoelementesh dhe mineralesh, mes të cilave, hekuri, kaliumi, magnezi. Të pasura me antioksidantë, të nevojshme për të neutralizuar radikalet e lira dhe të luftojë plakjen.

Të japin energji – Sipas disa studimeve të fundit, qershitë janë një ushqim i rëndësishëm për ata që bëjnë sport apo një jetë aktive. Avantazhet më të mira merren duke pirë lëngun e tyre dhe disa kokrra në mëngjes.

Lëkurë e bukur – Qershitë na bëjnë dhe ne të bukur, sidomos lëkurën.Me 6 qershi të pjekura, një fetë kastraveci dhe një lugë kos natyral, i përzien bashkë në mikser, e lë të pushojë 10 minuta, përgatit një maskë rifreskuese dhe rivitalizuese për tu aplikuar në zonën përreth syve. Në këtë mënyrë largoni qeset që formohen, rrudhat dhe shikimin e lodhur

/Agjensia e Lajmeve Sot News/