Qeni i keq – ujku n’ torishtë

Nga Demir Krasniqi

N’ fshatin Sfircë , n’ malësi t’ Gollakut,
N’ mes Kapisë edhe Novakut –
Do t’ kujtojmë fjalët e nji plakut,
Që ua la burrave t’ konakut !

Bellan Doda n’ fshatin Sfircë –
Kish shtëpinë n’ breg nën ahishtë !
I kish ra ujku n’ torishtë –
Shumë do dhenë ia kish ngranë mish !

Fare pak gjallë ia kish lanë ,
Krejt katundi ishin que n’ kamë ,
Me e ngushëllue për atë damë –
Mixhës Bellan gajret me i dhanë !

Mixha Bellan ish dalë po i pret –
Po i shtinë mrena , kafe po u qet !
Tanë me ren tu i dhanë gajret –
Si ka qenë gjithmonë adet !

Mixha Bellan , gajret banë –
Për atë damë që të kish kanë !
Që t’ kish ra ujku n’ torishtë –
Shumë do dhenë t’i kish kërdisë !

T’i pastë marrë t’ ligat e familjes ,
Ti s’ je kanë kurrë burrë i hiles !
Por , prej Zotit koka shkrue –
Gjithë ai damë me t’u marue !

Bellan Doda po e flet nji fjalë –
Ju vëllazni qofshi faqebardhë ,
Për ngushëllime që m’ keni ardhë ,
Që m’ ka ndodhë gjithë ky zarar !…

Veç nji gja po due me iu thanë –
Ujku dhentë nuk mi ka ngranë !
Për këtë damë zemra po m’ dhemë –
Dhentë mi hangër qeni i jem !

Ujku shpinë nuk ma ka ditë ,
As ku i mbajë dhentë në torishtë !
Qeni jem tuj ba klam , klam –
I tregoi ujkut ku jam !…
E kam shpijen nër ahishtë –
Ujku erdh e m’ ra n’ torishtë !
Qeni i keq mos me pas kanë –
Kurrë për jetë s’ mu kish ba damë !

Amanet , more vëllazni –
Kurrë qen t’ keq mos mbani n’ shpi !
Kush e ka shpinë në ahishtë –
Qeni i keq – ujku n’ torishtë !

Gjilan, më 25.07.2017.

Demir Krasniqi