Qëndron Kastrati: Kamenica ka fituar projekte me vlerë shumëfish më të madhe sesa në të kaluarën

Kamenicë – Besimi i qytetarëve për të udhëhequr me Kamenicën më dha një detyrë shumë fisnike: shërbimin direkt ndaj qytetarit dhe realizimin e projekteve që do ta rrisnin mirëqenien e kamenicasve. Me përkushtim dhe vullnet për punë u dëshmua ajo që për vite me radhë shihej si e pamundshme, Kamenica fitoi projekte me vlerë shumëfish më të madhe sesa në të kaluarën, projekte këto që do t’ia ndërrojnë dinamikën komunës dhe mirëqenien qytetarit. Ishte shumë e rëndësishme të shtohej disiplina në punë e punonjësve, si dhe të rritej transparenca. U angazhuam që vendimet t’i publikojmë, e t’i ulim shpenzimet. Shumë punë të tjera që janë bërë e projekte që po vazhdojnë të realizohen, më bëjnë krenar ka shkruar Qëndron Kastrati.

“Për të realizuar qëllimet tona, më duhej një mik, një individ i besueshëm dhe dikush që vizionin dhe qëllimet e qeverisjes së re, i përkthen në organizim të efektshëm. Këto tipare, prapavija e tij dhe angazhimi politik, e bënë Nol Nushin adresën time për Shef Kabineti. Nolit iu kërkua që të na ndihmojë në fazën tranzitive, ndërsa sot kam nënshkruar vendimin për lirimin e tij nga detyra. I falënderohem jashtëzakonisht për punën që ka bërë, komunikimin e dinjitetshëm me qytetarë dhe angazhimin e pakusht pavarësisht që ishte larg nga zona e komforit, familja e shoqëria. Të gjithë ata që kanë komunikuar me Nolin, e kanë gjetur te ai një dëgjues të mirë, organizues të qetë e punëtor të zellshëm. I uroj Nolit sukses në detyrën e re si Sekretar Organizativ i PSD-së”.

Kastrati tutje ka shkruar.” Shefi i ri i kabinetit do të fillojë punën të premten. I uroj Meriton Ramabajës punë të mbarë në detyrën e re! Meritoni është i diplomuar në Brazil, ku edhe ka punuar për një kohë. Në pozitën e Zyrtarit të Rinisë, ka realizuar aktivitete të shumta, duke i ndihmuar KVRL-së të vendoset jo vetëm në hartën e Kosovës, por edhe më gjerë. Një punëtor i madh, organizator i dalluar e i respektuar, Meritoni do t’ia shtojë vlerën qeverisjes sonë. Vazhdojmë” ka shkruar Kastrati./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).