Qëndrimi ulur gjatë rrezik për veshkët

Ka gjithnjë e më shumë dëshmi që qëndrimi i gjatë ulur mund të jetë i dëmshëm për shëndetin tuaj.

Studimet e mëhershme kanë treguar që njerëzit, të cilët çdo ditë e kalojnë duke qëndruar të ulur për një kohë më të gjatë kanë rrezik më të lartë nga diabeti, sulmi në zemër, por edhe disa lloje të karcinomave, ndërsa studimi më i ri ka treguar që qëndrimi afatgjatë ulur po ashtu mund të rrisë rrezikun nga sëmundjet kronike të veshkave, veçanërisht te femrat, transmeton Koha.

Kështu femrat të cilat gjatë ditës kanë qëndruar më pak se tri orë ulur, kanë pasur 30 për qind rrezik më të ulët nga sëmundjet kronike të veshkave sesa femrat që kanë qëndruar ulur më shumë se tetë orë në ditë.

Interesante është që aktiviteti i rregullt trupor, si ecja në kohëzgjatje prej 30 minutash në ditë është i lidhur me rrezikun e reduktuar nga sëmundja kronike e veshkave te meshkujt, por jo edhe te femrat.

Përndryshe, çdo i dhjeti person i rritur vuan nga sëmundja e veshkave. Është e njohur që personat me sëmundje të veshkave janë të ekspozuar ndaj rrezikut më të madh për të zhvilluar sëmundje të zemrës, anemisë, sëmundje të eshtrave dhe problemeve të tjera shëndetësore.

Nga sa u theksua, është evidente që mënyra e jetesës ka rol të rëndësishëm te sëmundjet e veshkave dhe që qëndrimi i gjatë ulur ka efekt negativ në shëndetin në tërësi