Qëndrim Gashi: Rektori mashtrues duhet të japë dorëheqje, ose të shkarkohet

Profesori i Matematikës në Universitetin e Prishtinës, Qëndrim Gashi ka kërkuar dorëheqjen e Rektorit Ibrahim Gashi pas publikimit në media se ai ka bërë falsifikime të punimeve shkencore.

Ish – politikani Qëndrim Gashi ka thënë se Rektori përpos dorëheqjes duhet të kërkojë edhe falje para qytetarëve të Kosovës.

“E para, është imperativ që Rektori i UP’së, dr.Ibrahim Gashi, të kërkoj falje dhe të tërhiqet nga pozita, se përndryshe i tërë Universiteti bëhet i rremë, fals, jolegjitim e tallës. Udhëheqjen e tij nuk e meriton komuniteti ynë akademik e aq më pak shoqëria jonë”, ka shkruar Gashi, në një tekst autorial të botuar në Koha Ditore.

Sipas tij, nëse Rektori nuk jep dorëheqje, ai duhet të shkarkohet nga udhëheqja e UP’së.

“Nëse nuk jep dorëheqje, atëherë strukturat e UP’së duhet ta largojnë “pionierin” e mashtrimit në UP”, ka shtuar ai./express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).