Qendra korrektuese e Gjilanit njofton se ka marrë të gjitha masat për parandalim të përhapjes së Covid-19

Gjilan – Në Burgun e Gjilanit janë marrë të gjitha masat për parandalimin e koronavirusit Covid-19, janë duke u zbatuar të gjitha rekomandimet për dezinfektim, por është i nevojshëm furnizimi nga qeveria me material mbrojtës.

Nënkryetari Arbër Ismajli, i shoqëruar nga kryetari dhe nënkryetari i Komunës së Novobërdës, kanë vizituar sot Qendrën Korrektuese, ku nga afër janë njoftuar për gjendjen atje dhe masat e ndërmarra.

“Ne do të jemi bashkë në këtë situatë dhe konfirmoj se me të gjitha mundësitë tona, do ta ndihmojmë edhe këtë institucion. Jemi bërë bashkë krejt Anamorava për ta preventuar Covid19, përfshirë të gjitha institucionet”, ka thënë nënkryetari Ismajli.

Deri në këto momente gjendja është nën kontroll në këtë institucion, derisa ka potencuar se është e domosdoshme furnizimi me mjete mbrojtëse nga Qeveria e Kosovës./rajonipress/