Fundamenti

Qendra e qytetit po degradohet e tjetërsohet, përmendore kudo, qen endacak dhe pasiguri

/ 2 minuta lexim

Gjilan – Qytetarët e lagjes “Qendra”, janë të befasuar me punimet që po kryhen para syve të tyre. Njëherë ishte gara për përmendore, kush e kujt po vendoset përpara, pastaj një kioskë, dhe tani po shkatërrohet gjelbërimi dhe pishat. Askujt nuk po i pengon ky degradim i tmerrshëm shprehen banorët.

Mustafa një banor në qendër të qytetit thotë se nuk e ka besuar se vije kjo ditë dhe ai të jetë dëshmitar i gjallë për të parë tërë këtë situatë kaotike, që po ndodhë me qendrën e Gjilanit.

“As gjumë nuk mund të bëjmë nga lehja e qenve endacak ndërsa çdo ditë punojnë eskavator duke vendosur e zhvendosur herë përmendore, e herë ndonjë kioskë. Si është e mundur që ky Gjilan, që dikur pretendonte se ishte Evropian, të shkatërrohet aq mizorisht. E tëra kjo ndodhë para kafiterive, ku rrinë krejt drejtorat e zyrtarët e komunës” shprehet Mustafa.

Uji Dea

Misini një tjetër qytetar thotë se qendra dikur kishte emër e nam, e sot çdo 10 metra përmendore, beton, qen endacak dhe pasiguri.
“Nuk e kuptojë heshtjen e zyrtarëve komunal përballë kësaj katrahure urbanistike që po ndodhë. Këta të LVV kur po e bëjnë krimin po krenohen me atë situatë, vërtet e mjerueshme, bile edhe e mbrojnë me çdo kusht të keqën” thotë Misini.

Muharremi një pensionist thotë se i ka rastisur të ndërhyjë dy tri herë për të mbrojtur fëmijët nga qentë endacak.
“Qentë edhe nëse nuk të sulmojnë janë të frikshëm për fëmijët dhe më ka ndodhur që nxënësit i kam qetësuar nga frika e paniku. Është një pasiguri totale e jetesës këtu në qendër. Unë kërkoj nga Alban Hyseni që ta mbrojë parkun dhe hapësirat publike që janë të dedikuara në radhë të parë për banorët e qendrës dhe pastaj edhe për qytetarët e tjerë” tha ai./rajonipress/