Qemajl Mustafa: Suspendimi i tre aktivistëve të devotshëm do t`i kthehet bumerang PDK-së
RajoniPress
06:21, 1 Shtator, 2023
| 8 muaj më parë
Gjilan – Kjo, me vendimin për përjashtim të këtyre tre aktivistëve, do t’u kthehet si bumerang i fortë, së pari duarve të zgjatura nga qendra, aty në degë dhe pastaj edhe vet atyre që e morën vendimin në Prishtinë. Do të doja vërtetë t’jem i gabuar, por jam i sigurtë që nuk jam! Koha do ta dëshmojë shpejtë tatëpjetën edhe më të rrëpishme të kësaj organizate fatkeqe politike ka shkruar Qemajl Mustafa.
Ish kreu i PDK-së në Gjilan Qemajl Mustafa e sheh si të gabuar suspendimin e tre aktivistëve Bajram Isufi, Leonora Morina Bunjaku dhe Enver Shabani.
Mustafa këtë vendim e sheh si vazhdimi i një tatëpjete të shpejt të këtij subjekti politik.
Reagimi i Qemajl Mustafës:
Esenca e problemit ka mbetur aty brenda në parti. Kjo që ka ndodhe me shkëputjen e partneritetit mes LVV dhe PDK si dhe pastaj vendimi për me i përjashtua nga partia këta tre aktivistë është vetëm pasoje e metastazimit dhe shtrirjes të së keqes me vite e vite në këtë subjekt politik.
Duke mos u leshue më gjatë në gjerat që unë dhe ndonjë tjetër i kemi thënë ndër vite, që nga 2010 e këndej, dua t’ju them që me përjashtimin dhe margjinalizimin e njerëzve që kanë sjell kontribute në parti, ajo veç sa është zvetnue dhe varferue deri në këtë stad ku është sot. Kreu i kësaj partie po e vazhdon me të vjetrën dhe nuk po e merr mësimin nga pësimet e mëdha që i kanë ndodhur kësaj partie.
Menduan edhe në rastin tim e të ndonjë tjetri se ne ishim vetëm individë dhe asgjë tjetër e asgjë më shumë, por JO, nuk ju doli ashtu qysh e projektuan. Ne ishim shumë më shumë se individë. Ishim ide, ishim besim i njerëzve, ishim angazhim i pa rezervë, ishim vlere e shtuar, ishim frymë në eter, që as nuk përjashtohet lehtë dhe as mbahet peng lehtë.
Kjo, me vendimin për përjashtim të këtyre tre aktivistëve, do t’u kthehet si bumerang i fortë, së pari duarve të zgjatura nga qendra, aty në degë dhe pastaj edhe vet atyre që e morën vendimin në Prishtinë.
Do të doja vërtetë t’jem i gabuar, por jam i sigurtë që nuk jam! Koha do ta dëshmojë shpejtë tatëpjetën edhe më të rrëpishme të kësaj organizate fatkeqe politike!
