Qemajl Mustafa: Hamit Aliu la gjurmë të thella përgjatë jetës e punës së tij

Gjilan – Ne që e takuam në format nga më të ndryshmet dhe bashkëjetuam me të, valltarin autokton të ansamblit “Bajram Curri”, Hamit Aliun, do ta mbajmë në kujtesë si njërin nga artistët më të spikatur popullor që e patëm ka shkruar Qemajl Mustafa.

Elegant e fortë i natyrshëm në skenë, i palodhshëm nëpër decenie, komunikues e mirëkuptues në çdo kohë, edukator e shok i mirë…

Sa herë ka me u përmend ansambli “Bajram Curri”, ka me na u kujtue figura qendrore e tij, Hamit Aliu. Sa herë kemi me folë për festivalet e këngëve dhe valleve popullore, për trashëgiminë artistike popullore ndër breza ka me na ra ndër mend Hamit Aliu. Sa herë kemi me folë për edukimin në anën e Karadakut, kemi me folë edhe për Hamitin e brezin e tij në arsimimin e gjeneratave të shumta.

Thënë ndryshe, Hamiti la gjurmë të thella përgjatë jetës e punës së tij. Ai e shënoi qartë dhe dukshëm epokën e tij.
Në emrin tim dhe në emër të Partisë Demokratike të Kosovës në Gjilan u shprehim ngushëllimet tona familjes së Hamit Aliut, kolegëve të punës, shokëve e miqve të tij e të familjes poashtu.
Artist i veçantë, je pjesë e identitetit të Karadakut, të Gjilanit e Anamoravēs.
Prehu në paqë!