Qemajl Mustafa falënderon qytetarët për sjelljen qytetëruese

Gjilan – Ishte ky një besim i sinqertë dhe plotësisht spontan e i pa sforsuar. Ishte ky një besim për punën e bërë mirë së bashku me ju për gjashtë vite me radhë për Gjilanin tonë të bukur e të dashur.Ju siguroj që kudo që të jem në detyrat publike në ditët që vijnë, unë do të jem njeriu i juaj secilën ditë të vitit dhe do ta bej më të mirën për ju dhe familjet tuaja ka shkruar Qemajl Mustafa.

Të nderuar aktivistë, anëtarë dhe simpatizantë të Partisë Demokratike të Kosovës në Gjilan, në Anamoravë dhe në Kosovë, unë, Qemajl Mustafa, kandidati për deputet në Kuvendin e Kosovës ju falënderoj nga zemra për besimin që ia keni dhënë PDK-së dhe mua. Kështu thuhet në letrën e Qemajl Mustafës drejtuar qytetarëve të Gjilanit dhe të Anamoravës.

Ishte ky një besim i sinqertë dhe plotësisht spontan e i pa sforsuar. Ishte ky një besim për punën e bërë mirë së bashku me ju për gjashtë vite me radhë për Gjilanin tonë të bukur e të dashur.

Ju siguroj që kudo që të jem në detyrat publike në ditët që vijnë, unë do të jem njeriu i juaj secilën ditë të vitit dhe do ta bej më të mirën për ju dhe familjet tuaja.

Angazhimi im primar mbetet edhe më tej përparimi i ekonomisë së komunës e të rajonit, edukimi i mirë profesional, infrastruktura publike dhe rinia e kësaj ane.

Unë, do të jem pjesë aktive e realizimit të projektit të madh të kryeministrit Thaçi MISIONI I RI për Kosovën e që është jetë dhe shpresë për familjet tona. Qytetarë të respektuar, ju falënderoj gjithashtu për sjelljen plotësisht demokratike e qytetëruese që keni treguar përgjatë fushatës zgjedhore.

Kemi treguar bashkë që e duam komunën tonë, e duam Anamoravën dhe Kosovën e përparuar dhe evropiane ka shkruar në fund Mustafa./rajonipress/