Qe pse është koha ideale për mandarina!

Frutat me ngjyrë portokalli jo vetëm që janë të kohës në muajin dhjetor, por kanë shumë efekte pozitive për një shëndet të mirë. Ato zvogëlojnë rrezikun nga humbja e kujtesës, përmirësojnë funksionimin e trurit, mbrojnë lëkurën nga plakja, ulin nivelin e kolesterolit etj.

Mandarinat janë shumë të pasura me vitaminë E, C dhe minerale të ndryshme. Lëvorja e tyre është e pasur me antioksidantë të quajtur superflavonidë, të cilat ndikojnë ndjeshëm në reduktimin e nivelit të kolesterolit.

Për një zemër më të fortë

Lëngu i mandarinës ka kalcium, kalium, magnez, fosfor, hekur, zink, bakër si dhe disa antioksidues. 100 gramë mandarina përmbajnë 30 mg vitaminë C. Përveç vitaminës C, 100 gramë mandarina kanë edhe kalium, i cili luan rol në funksionimin e mirë të zemrës. Gjithashtu mandarina është e pasur me vitaminat e grupit B, minerale, kalcium, magnez, zink etj.

Për të hequr stresin

Nëse keni kaluar një javë stresuese, nuk jeni ushqyer rregullisht apo ke probleme me tretjen e ushqimit, një detoksifikim i organizmit me aromë mandarine do t’ju ndihmojë shumë. Është fundjavë, kështu që mëngjesi i së shtunës, i së dielës dhe i së hënës, është ideal me koktej mandarine.

Për lëkurën dhe trupin

Lëvorja e mandarinës, si dhe e portokallit dhe limonit, përmban vajra eterikë. Ato mund të përdoren si suplement për ëmbëlsira, çaj, por edhe për banjë mjekuese. Banjën aromatike dhe mjekuese mund ta përgatisni duke vendosur në ujë të ngrohtë lëvoret e thara dhe të njoma të mandarinës.