Pushteti lokal investon në çdo vendbanim të komunës

Është asfaltuar sot fusha e sprotit në fshatin Lluçan të komunës së Bujanocit e cila ka qenë mëse e nevojshme, sidomos për të rinjët pasi që janë të pasionuar pas futbollit dhe basketbollit. Ky projekt kishte filluar në vitin 2012 mirëpo sot ëndrra e djelmoshave është bërë realitet të asfaltohet fusha e sporit dhe në këtë mnyrë të kenë kushte më të favorshme për lojërat sportive.

Në fillimin e asfaltimit të kësaj fushe sportive prezent ishte vet kryetari i komunës së Bujanocit dr. Nagip Arifi ku sipas këtij të fundit është shumë i kënaqur me finalizimin e këtij projekti mëse të nevojshëm vlera e të cilit është 2.800.000 dinarë dhe finansohet nga buxheti komunal i Bujanocit.

Lojërat sportive janë zhvilluar deri sot nga sportdashësit në rërë dhe kjo gjë iu ka penguar shumë herë mirëpo të rinjët e fshatit Lluçan sot janë të gëzuar që po asfaltohet fusha sportit. Edhe arsimtari i edukatës fizike Rabit Veseli nga fshati Lluçan tha se, ky projekt është i mirëseardhur për të gjithë, është project i shumëpritur sidomos për të rinjët e fshatit.

Asfaltimi i fushtës sportive do të përfundoj gjatë ditës së sotme dhe që nga dita e nesërme të rinjët e fshatit Lluçan do ti gëzohen këtij projekti ku do të kenë mundësi të zhvillojnë lojërat sportive pa asnjë pengesë./BujanociNet/