Pushtetarët tanë, të nënshtruar ndaj Serbisë

Bisedimet me Serbinë, që po zhvillohen tash e një kohë të gjatë në Bruksel, nga analistët janë cilësuar si të dështuara dhe të pakuptimta. Kjo, ngase, sipas tyre, arrestimet e kohë- paskohshme të shtetasve të Kosovës, por edhe rasti i fundit i arrestimit të drejtorit të policisë në rajonin e Mitrovicës Nehat Thaçit në Serbi, tregojnë se dialogu me Serbinë ka degraduar tej mase.

Kelmendi: Këta udhëheqës po na poshtërojnë si shtet

“Kjo është shqetësuese për shtetasit e Republikës së Kosovës, për shkak se pjesëmarrjen në luftën çlirimtare të udhëhequr nga UÇK-ja e konsiderojnë se ka kryer vepër penale të terrorizmit, dhe këtu organet e Serbisë qëllimisht lëshojnë urdhër arreste ndërkombëtare, duke shkaktuar kësisoj edhe pasiguri juridike për ish-ushtarët e UÇK-së. Andaj, Kosova duhet t’i kushtëzojë bisedimet me Serbinë me heqjen nga listat e Interpolit të gjithë shtetasit e vendit tonë, ose duhet të vendoset reciprociteti”, është shprehur avokati Skender Musa, shkruan gazeta Kosova Sot.

Bisedimet me Serbinë, që po zhvillohen tash e një kohë të gjatë në Bruksel, nga analistët janë cilësuar si të dështuara dhe të pakuptimta. Kjo, ngase, sipas tyre, arrestimet e kohë- paskohshme të shtetasve të Kosovës, por edhe rasti i fundit i arrestimit të drejtorit të policisë në rajonin e Mitrovicës Nehat Thaçit në Serbi, tregojnë se dialogu me Serbinë ka degraduar tej mase. Ata thonë se Kosova e Serbia nuk kanë arritur marrëveshjen e parë që qytetarët e njëratjetrës të mos mund të arrestohen për të kaluarën e tyre.

Sipas tyre, dialogu ka degraduar deri në atë masë, saqë pala kosovare po tregohet e pafuqishme edhe për gjërat më elementare si kjo e arrestimeve e të mos flitet për të tjerat, pasojat e të cilave do t’i vuajë Kosova në planin afatgjatë, pasi nuk ka pasur një strategji nacionale, por delegacioni kosovar është treguar nënshtrues ndaj palës serbe./kosova sot/