Puset e hapura ende shqetësuese për qytetarët e Komunës së Vitisë

Viti – Duke falënderuar bashkëpunimin e qytetarëve tanë, për kontributin e tyre të dhënë në aspektin e sigurisë,dhe problemeve t’jera të shumta të identifikuara nga ta, dhe me ndihmën e tyre, EVSB edhe kësaj radhe arriti të identifikoj edhe një pus të hapur në fshatin e Ri(ish Novosellë).

Pusi i hapur gjendet në afërsi të Shkollës fillore paralelja e ndarë, “Skender Emërllahu”, afër fushës së futbollit.

Prindërit janë të shqetësuar për fëmijët e tyre, sepse ata luajnë për çdo dit në oborrin e Shkollës së tyre, ku gjendet fusha e futbollit të vogël, dhe aty afër gjendet edhe pusi i hapur që sjellë pa siguri dhe rrezikshmëri për nxënësit e kësaj Shkolle.

Ekipi Veprues për Siguri në Bashkësi së bashku me Policinë e Kosovës, gjatë këtij viti kanë arritur të identifikojnë 7 puse të hapura në vendbanime të ndryshme të Komunës së Vitisë.

Puset e hapura pas identifikimeve, ato janë adresuar dhe janë iniciuar tek organet Komunale, gjegjësisht drejtoria e Shërbimeve publike, dhe brenda një afati të shkurtër kohor, të gjitha puset janë siguruar nga kjo drejtori, dhe më nuk paraqesin rrezik për qytetarët.

Shpresojmë dhe besojmë se përmes këtij publikimi për rastin në fjalë,organet përgjegjëse do ti marrin masat e nevojshme, dhe pusi i hapur që gjendet në afërsi të fushës së futbollit të sigurohet sa më parë, me qëllim që nxënësit e kësaj shkolle të ndjehen të sigurt, dhe rreziku për ta të largohet në tërësi thuhet në reagimin e Imri Emërllahut koordinator i EVSB për Viti./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).