Publikohen raportet financiare të partive, LVV-ja më e pasura

Komisioni Qendror i Zgjedhjeve ka publikuar raportet e paaudituara financiare të partive politike të vitit 2023, ku Lëvizja Vetëvendosje ka pasur më së shumti të hyra, e pasuar nga LDK-ja, PDK-ja e AAK-ja.

KQZ-ja ka njoftuar se raportet janë të paaudituara, derisa mund të pësojnë ndryshime dhe saktësime gjatë procesit të auditimit.

Në kët raport, partia e Albin Kurtit Lëvizja Vetëvendosje për vitin 2023 ka pasur dy milionë e 98 mijë e 532 euro, derisa shpenzime ka pasur një milion e 381 mijë e 285 euro.

Lidhjes Demokratike të Kosovës ka pasur të hyra 723 mijë e 169 euro, e ka shpenzuar 431 mijë 824 euro.

Partia Demokratike e Kosovës ka pasur 808 mijë 983 euro të hyra, ndërsa ka shpenzuar 715 mijë e 986 euro.

Aleanca për Ardhmërinë e Kosovës figuron me 280 mijë euro të hyra dhe 268 mijë e 16 euro shpenzime gjatë vitit 2023.