PTK mbi 1 milion euro tender pas privatizimit
RajoniPress
08:44, 15 Qershor, 2013
Kryshefi ekzekutiv i PTK-së, Ejup Qerimi, ka vazhduar të investojë qindra mijëra euro në projekte të ndryshme, pavarësisht se më shumë se dy muaj PTK-ja është privatizuat.
Në fillim të prillit 2013 Qeveria e Kosovës ka shpallur fituesin e tenderit për blerjen e PTK-së, kompaninë gjermane “Axos”, e cila ka ofruar çmimin më të lartë prej 277 milion euro, shkruan Zëri.
Prej kohës që është privatizuar e deri më tani kompania ka nënshkruar mbi 40 kontrata me operatorë të ndryshëm, vlera e të cilave kalon prej 1 milion euro.
Kontrata më e lartë, e cila është ndarë në 11 lote, është për zgjerimin e fijeve optike në Republikën e Kosovës, ka vlerë të përgjithshme prej 205 mijë euro.
Gjatë kësaj periudhe është nënshkruar edhe kontrata njëburimore me kompaninë “Alcatel-Lucent” në vlerë prej rreth 190 mijë euro. /Indeksonline/
