PTK-ja nuk privatizohet për tre muaj

Qeveria e Kosovës nuk do ta privatizojë PTK-në. Së paku jo brenda 3 muajve siç është thënë ditë më parë në medie.

“PTK do të vazhdojë të funksionojë si edhe deri tani si ndërmarrje publike, bazuar në ligjet aktuale në fuqi”, kanë thënë për gazetën Tribuna në zyrën për informim të Ministrisë së Zhvillimit Ekonomik. Sipas tyre, KQP është duke e analizuar situatën dhe së shpejti do t’i rekomandojë Qeverisë hapat që do të mund të ndërmerren në të ardhmen për këtë ndërmarrje.

“Informacioni i dhënë nga disa medie se Qeveria ka në plan ta kryejë privatizimin e PTK-së brenda 3 muajsh, është i gabuar, ajo informatë i referohet planit fillestar për privatizim të aksioneve në bazë të procesit aktual, i cili është shpallur i përmbyllur më 31 dhjetor 2013”, thonë në Ministrinë e Zhvillimit Ekonomik. Në këtë ministri thonë se është zhvilluar një proces transparent i privatizimit të PTK-së dhe nuk presin që Axos ta padisë Qeverinë…(Tribuna).