“Psikoterapeutët në veprim” ndihmojnë Blendin

Gjilan – OJQ “Psikoterapeutët në veprim” që udhëhiqet nga Sevdije Haziri Musliu e kanë ndihmuar Blendi Salihun duke ia siguruar barnat dhe shërbimet ditore të bukës që është siguruar nga një bukëpjekës. Sevdija bënë apel që të ndihmohet Blendi sepse ai ka nevojë për shërim jashtë vendit.

“Psikoterapeutët në veprim” nuk janë ndalur duke ndihmuar fëmijët me nevoja të veçanta, por edhe ata që kanë nevojë urgjente për barna apo gjëra tjera të domosdoshme.

Sevdije Haziri Musliu udhëheqëse e kësaj organizate ka vizituar familjen Salihu dhe ka ndihmuar djalin e tyre Blendin me një sasi të barnave.

“Blendi ka nevojë për barna që janë të kushtueshme dhe ne i kemi siguruar nga një farmacist i Gjilanit dhe një bukëpjekës i ka ofruar shërbime ditore. Angazhimi rreth këtij fëmiu do të vazhdojë edhe më tutje duke shpresuar që ia do të gjejë akomodim profesional jashtë vendit” shprehet Musliu.

Ajo thotë se Blendi vuan nga një sëmundje e cila mund të shërohet vetëm jashtë vendit. “Ata që kanë mundësi të ndihmojnë është mirë ta bëjnë këtë në rastin e Blendit dhe është mirë të solidarizohemi me familjen e tij” tha Musliu./rajonipress/