“Pse s’po shani? – Se jena lodhë”, Limaj për qasjen e re të VV-së: Duhet të kërkojnë – Nëse është e sinqertë, lajm i mirë

Kryetari i NISMA’s, Fatmir Limaj, në Pressing në T7, ka komentuar qasjen ndryshe të Vetëvendosjes, duke thënë se nëse është e sinqertë, atëherë diçka e tillë është lajm i mirë për Kosovën.

Limaj ka thënë edhe se, megjithatë, VV’ja duhet edhe të kërkojë falje për veprimet në të kaluarën.

‘’Shumë mirë, nëse është e sinqertë është shumë e mirë, është lajm i mirë për Kosovën. Veç që duhet me iu kthy pak mrapa me kërku falje për ata ça ka ndodh. Nuk kapërcehet me thanë a din, ‘’qetash s’po na e merr menja me sha, u lodhëm tu sha’’. E pse s’po shani? Valla jena lodh. Kur nuk don me sha më, duhet me thanë ‘’jo s’duhet me sha, se keq ish kanë, dhe kërkojmë falje që e kemi sha’’. Atëherë kërko falje. Nëse është e sinqertë është lajm i mirë për Kosovën. Por nuk shoh hapin tjetër, që do të thotë ‘’edhe kur këna djeg, edhe kur këna akuzu njerëz, këna gabu’’. Kështu që po dua me besu dhe me shpresu që është e sinqertë’’, ka thënë Limaj.