Pse po ngadalësohet projekti i ndërtimit të rrugës Dobërqan – Pogragjë, bllokohen banorët për të punuar arat e tyre

Gjilan – Qeveria Kurti lëre që se ka përkrahur e ndihmuar brezin kufitar të rajonit të Anamoravës, por edhe i ka penguar investimet duke e larguar nga prioritetet rrugën Dobërqan – Pogragjë, e cila kishte filluar së punuari para dy viteve, si projekt dhe tender i realizuar nga koha e Ramush Haradinajt, por me ardhjen e Kurtit në pushtet ky projekt është stopuar.

Rruga Pogragjë – Dobërqan ishte nisur për tu ndërtuar në vitin 2022 dhe më vonë janë ndërprerë të gjitha investimet me ardhjen e Albin Kurtit në pushtet.

Komuna e Gjilanit nuk ka marr pjesë në participim me pagesa, por vetëm i ka udhëhequr procedurat. Rruga Pogragjë – Dobërqan ka një rëndësi të veçantë për banorët e këtyre dy fshatrave, por edhe për fshatrat Llovcë, Bilinicë, Kokaj, Sllubicë të cilat mund ta shfrytëzojnë këtë arterie për të shkuar në Kamenicë e Bujanoc.

Ismail Rexhepi banor nga Pograxha thotë se po vazhdon të mbetet e bllokuar rruga Pogragjë – Doberqan nga shembja e dheut nga shkatërrimi. “Unë i punojë tokat në pjesën tjetër, por e kam të pamundur sepse rruga është e bllokuar. Kërkojë nga Liburn Aliu që të marrë parasysh kërkesat tona sepse nuk kemi mundësi këtë vit të punojmë arat tona që i kemi në pjesën tjetër në drejtim të Dobërqanit” shprehet Rexhepi.

Sipas burimeve tona brenda Ministrisë së Infrastrukturës rruga pritet të filloj kah muaji maj i këtij viti/rajonipress/