Pse nuk duhet pirë ujë në gllënjka të mëdha

Ndonëse është tejet i nevojshëm për lëkurën, sistemin imunitar dhe nivelet e energjisë, pirja e ujit në sasi të mëdha mund të ketë ndikim të keq.

Doktoresha Stephanie Long, pjesë e One Medical në San Francisco, ka thënë për Daily Mail se pirja e ujit në glljënka të mëdha mund të shkaktojë efekte anësore si urinimi i tepërt që mund të krijojë probleme për zemrën dhe veshkat.

Ajo ka rekomanduar që njerëzit duhet dëgjuar trupin në mënyrë që të vendosin se sa ujë duan të pinë, pasi që truri e informon trupin për të pirë ujë kur niveli i sodiumit është i lartë në trup.

Long po ashtu ka rekomanduar që njerëzit të pinë ujë në minimumin e duhur përgjatë tërë ditës, dhe eventualisht më tepër kur trupi e kërkon atë.