Pse Meda i këndon vuajtjes, dhembjes, lotit?

Është e vërtetë se këngëtari ynë, Meda, me këngët e zërin e tij, i bën fansat edhe të qajnë. Meda zgjedh fjalët, tekstin që u dedikohen atyre që janë të dashuruar, atyre me fat të thyer, zemër të plagosur, shpirt të vuajtur… I këndon më tepër lotit e dhembjes sesa gëzimit…

Natyrisht, në repertorin e tij ka edhe këngë dasmash, sevdaje e këngë patriotike… Por, këngët me tematikë të dashurisë së dështuar, të parealizuar e të vuajtur zënë vend të veçantë te ai. Zëri i tij përshtatet më shumë në këto këngë, të cilat edhe e bën Medën ky që është – 10 vite i pa zbritur nga skena artistike dhe nga më të dëgjuarit e të pëlqyerit e publikut shqiptar në vend e në diasporë.

Por, siç ka shkruar edhe revista “Kosovarja”, ana të cilën pak e njohin këngëtarin tonë të njohur është se ai është edhe shumë humanitar. U ndihmon skamnorëve, të pastrehëve, por edhe nevojëlive, siç thuhet në popull.

Pra, edhe të përmendurve ua qet lotin, por lotin e gëzimit, me rastin e dhënies së ndihmave që ua bën Meda./ Kosovarja /