PSD: Me tytë në ballë nuk votohet buxheti!

Gjilan – Kryetarit Alban Hyseni iu qenka kujtuar që ka lidhje edhe me pushtetin qendror. Edhe pse këtë lidhje nuk e shfrytëzoi përgjatë mandatit për të shtyrë përpara çështje si autostradën apo stadiumin e Gjilanit, ai po e përdor sot për të ia vendosur Këshilltarëve Komunal tytën në ballë: “Votone buxhetin, ose Ministri Krasniqi e shpërndanë Kuvendin Komunal” thuhet në reagimin e PSD-së.

Reagimi i plotë:

Çështja e buxhetit është edhe çështje vote. Kur Kryetari me dështime e skandale të përditshme nuk është në gjendje t’i bëjë votat për të votuar buxhetin, kjo është përgjigja demokratike e Këshilltarëve Komunal, të cilët i përfaqësojnë qytetarët e pakënaqur e të indinjuar nga keqqeverisja.

Tytën në ballë mund të ia vendosë Kryetari vetës dhe të jep dorëheqje nga pozita e tij që me paaftësi të plotë për të udhëhequr vazhdon ta mbajë.

Buxheti me tytë në ballë nuk mund të votohet. Shantazhit e trysnisë nuk bën t’i nënshtrohet as edhe një Këshilltar Komunal!