Historiani dhe diplomati serb, Milan St Protic ka thënë se i vetmi shpëtim për Serbinë dhe popullin serb është që Kosova të marrë një karrige në Kombet e Bashkuara dhe që Serbia të bëhet menjëherë anëtare e Bashkimit Evropian.
Kështu ai ka thënë Proticn emision “Pola sata Demostata“, shkruan “Slobodna Bosna”, transmeton Express.
Ai tutje ka thënë se Serbia duhet të gjejë një mënyrë për të mbijetuar si vend dhe serbët si popull.
“Në praktikën politike kjo nënkupton që ne duhet të pajtohemi që Kosova ta marrë “karrigen e mallkuar” në OKB dhe që Serbia të bëhet anëtare e BE-së në të njëjtën kohë. Është i vetmi shpëtim për vendin dhe popullin”, ka thënë Protic.
Ai thotë se dikush duhet të bëjë përpjekje për të bindur popullin serb se kjo është e vetmja mënyrë për të dalë nga pozicioni tragjik që gjendet Serbia.
“Pastaj u takon atyre të vendosin, ta vënë gishtin në kokë dhe ta largojnë këtë marrëzi me jugosllavizëm, titizëm e komunizëm”, ka thënë Protic./Express/
