Propozohet ligj i veçantë për “Trepçën”

Shqyrtimi për ndryshimin dhe plotësimin e ligjit për ndërmarrjet publike,po debatohet në seancën e Kuvendit të Kosovës.

Blerand Stavileci ministër i Zhvillimit Ekonomik, ka folur para deputetëve rreth këtij projektligji në bazë të të cilit do të menaxhohen ndërmarrjet e mëdha vitale për vendin, transmeton zeri.info.

Stavileci ka thënë se statusi dhe organizimi i ndërmarrjes shoqërore e shënuar Kombinati Xehetaro Metalurgjik “Trepça” parashihet të rregullohet me strategji dhe ligj të veçantë.

“Në momentin kur miratohet ky ligji do të vlejë si ligj special për këtë ndërmarrje”, tha Stavileci.