Promovohet dialogu ndër etnik në mes të rinjve të rajonit të Anamoravës

Gjilan – Rezultatet e këtij aktiviteti do të jenë të qëndrueshme dhe do të ndikojnë në aktivitetet të cilat do të organizohen në periudhat e ardhshme, të cilat janë të parapara në planin e Veprimit të grupit ndër etnik për pajtim, që prapë ka për qëllim ofrimin e bashkësive ndaj njëri tjetrit, për shkak të përmirësimit të kushteve të jetës, paqes dhe tolerancës në mjedisin shumë etnik ka thënë Ulrich Biffar drejtor i qendrës rajonale të OSBE-së në Gjilan.

Në organizim të misionit të OSBE së në Kosovë, në Prevallë është mbajtur një seminar me qëllim të pajtimit ndër etnik në mes të të rinjve të regjioni të Anamoravës.

Të rinjtë nga komuna e Ranillugut , Kamenicës, Artanës dhe Gjilanit, kanë qenë pjesëmarrës të këtij seminari tre ditor, ku me sukses kanë realizuar aktivitete, e cila është pjesë e projektit ndër etnik të ekipit të dialogut. Seminari është mbajtur me qëllim të afrimit të rinjve, të bashkësive të ndryshme etnike, rritjen e paqes, tolerancës dhe mirëkuptimit të ndërsjellë.

Përmes aktiviteteve të ndryshme, prezantimeve të cilat gjatë seminarit kanë pasur të rinjtë kanë pasur mundësinë që mes veti të shoqërohen dhe bashkëpunojnë, duke mos bërë dallime mes tyre.

“Rezultatet e këtij aktiviteti do të jenë të qëndrueshme dhe do të ndikojnë në aktivitetet të cilat do të organizohen në periudhat e ardhshme, të cilat janë të parapara në planin e Veprimit të grupit ndër etnik për pajtim, që prapë ka për qëllim ofrimin e bashkësive ndaj njëri tjetrit, për shkak të përmirësimit të kushteve të jetës, paqes dhe tolerancës në mjedisin shumë etnik” ka thënë Ulrich Biffar drejtor i qendrës rajonale të OSBE-së në Gjilan.

Seminarin e ka përkrahur dhe vizituar drejtori i qendrës regjionale të OSBE-së , Urlich Biffar i cili ka lavdëruar këtë takim dhe ka shprehur rastet personale dhe situatat në të cilat është gjetur gjatë punës dhe përvojës së tij shumëvjeçare./rajonipress/