Prokuroria Themelore në Gjilan ngre gjashtë aktakuza për vepra të ndryshme penale brenda 24 orëve

Gjilan – Prokuroria Themelore në Gjilan ka bërë të ditur se gjatë 24 orëve të fundit ka ngritur gjithsej gjashtë aktakuza ndaj gjashtë personave, të dyshuar për kryerjen e veprave të ndryshme penale, që përfshijnë dhunën në familje, kontrabandimin e mallrave, vjedhjen e pyllit, kanosjen, lëndimin e rëndë trupor dhe posedimin e paautorizuar të narkotikëve.

Sipas njoftimit të Prokurorisë, një aktakuzë është ngritur ndaj një personi për veprën penale “Dhuna në familje”, një tjetër për “Kontrabandimi me mallra”, ndërsa një person tjetër akuzohet për “Vjedhje pylli”.

Po ashtu, Prokuroria ka ngritur aktakuzë ndaj një personi për veprën penale “Kanosje”, një tjetër për “Lëndimi i rëndë trupor”, si dhe një aktakuzë për “Posedimi i paautorizuar i narkotikëve, substancave psikotrope ose analoge”.

Prokuroria Themelore në Gjilan ka theksuar se do të vazhdojë trajtimin e rasteve penale në përputhje me kompetencat ligjore, me qëllim garantimin e sundimit të ligjit dhe ndjekjen e autorëve të veprave penale./rajonipress/