Prokuroria Themelore në Gjilan ka ngritur 13 aktakuza
RajoniPress
08:26, 1 Janar, 2020
Gjilan – Prokuroria Themelore në Gjilan, ka ngritur trembëdhjetë (13) aktakuza, kundër shtatëmbëdhjetë (17) personave.
Ndalimet e personave me urdhër të prokurorit:
Departamenti për Krime të Rënda, ka ndaluar një (1) person për 48 orë, për shkak të veprës penale ‘’Vrasje në tentativë’’, i cili dyshohet se në fshatin Cërnicë, komuna e Gjilanit, pas një konflikti fizik ka goditur me thikë disa herë viktimën e nacionalitetit serb, duke i shkaktuar lëndime trupore, për të cilat ka kërkuar ndihmë në QKUK, në Prishtinë.
Aktakuzat:
Prokuroria Themelore në Gjilan, ka ngritur trembëdhjetë (13) aktakuza, kundër shtatëmbëdhjetë (17) personave, për këto vepra penale:
Dy (2) aktakuza kundër dy (2) personave për veprën penale “Kanosja”,
Një (1) aktakuzë kundër tre (3) personave për veprën penale “Vjedhja e pyllit”,
Një (1) aktakuzë kundër dy (2) personave për veprat penale “Dhuna në familje” dhe “Lëndimi i lehtë trupor”,
Një (1) aktakuzë kundër dy (2) personave për veprat penale “Keqpërdorimi i besimit” dhe “Vetëgjyqësia”,
Një (1) aktakuzë kundër një (1) personi për veprën penale “Posedimi i paautorizuar i narkotikëve, substancave psikotrope ose analoge”,
Një (1) aktakuzë kundër një (1) personi për veprën penale “Falsifikimi i rezultateve të votimit”,
Një (1) aktakuzë kundër një (1) personi për veprën penale “Rrezikim i trafikut publik”,
Një (1) aktakuzë kundër një (1) personi për veprën penale “Lëndimi i lehtë trupor”,
Një (1) aktakuzë kundër një (1) personi për veprën penale “Dhuna në familje”,
Një (1) aktakuzë kundër një (1) personi për veprën penale “Ndërtimi pa leje”,
Një (1) aktakuzë kundër një (1) personi për veprën penale “Dhunimi” dhe
Një (1) aktakuzë kundër një (1) personi për veprën penale “Vjedhja”./rajonipress/
