Prokuroria Themelore hedh poshtë padinë e Jonuz Eminit kundër Muharrem Bajramit

Gjilan – Jonuz Emini kryetar i organizatës komunale të pensionistëve dhe invalidëve të punës e kishte paditur Muharrem Bajramin kryetar i sindikatës së pensionistëve për veprën penale mashtrimi. Mirëpo Prokuroria Themelore e Gjilanit, departamenti për krime të përgjithshme pas shqyrtimit të padisë dhe marrjes në pyetje të dëshmitarëve padinë e ka hedhur poshtë me arsyetimin se nuk ka elemente të veprës penale kundër Muharrem Bajramit.

Jonuz Emini kryetar i Organizatës Sindikale Komunale të Pensionistëve dhe Invalidëve të Punës në Gjilan e kishte akuzuar Muharrem Bajramin kryetar i sindikatës së pensionistëve dhe invalidëve të punës për veprën penale mashtrimi.

Emini padinë e kishte deponuar në njësinë rajonale të hetimeve për krime ekonomike. Ky njësit më pastaj lëndën e ka dërguar në Prokurorinë Themelore të Gjilanit e cila ka shqyrtuar rastin në hollësi derisa Arben Ismajli prokuror i rastit pas shqyrtimit të provave, dëgjimit të dëshmitarëve dhe sigurimit të provave tjera materiale është konstatuar se në këtë rast nuk ka element të veprës penale e cila do të duhej të ndiqej sipas detyrës zyrtare.”Konsideroj se në rastin konkret nuk ka vend për inicimin e procedurës penale dhe kërkojë nga njësiti i krimeve ekonomike që rasti të mbyllet” ka thënë prokurori Arben Ismajli.

Muharrem Bajrami ndërkaq për rajonipress tha se është i befasuar që është paditur nga Jonuz Emini.”Unë tani veç e kam bërë një padi të gatshme kundër Jonuz Eminit i cili me vite ka mashtruar dhe po i mashtron pensionistët gjilanas” tha Bajrami./rajonipress/