Prokuroria në Gjilan ngre nëntë aktakuza ndaj 10 personave për dhunë në familje, lëndime trupore, vjedhje dhe narkotikë
Gjilan – Prokuroria Themelore në Gjilan ka ngritur nëntë (9) aktakuza ndaj dhjetë (10) personave, më 9 nëntor 2026, për vepra të ndryshme penale.
Sipas njoftimit të Prokurorisë, aktakuzat përfshijnë disa kategori të veprave penale, ndërsa në mesin e tyre janë edhe rastet e dhunës në familje dhe lëndimeve të lehta trupore.
Rastet e ngritura përfshijnë:
Katër aktakuza ndaj katër personave për veprën penale „Lëndim i lehtë trupor”.
Dy aktakuza ndaj tre personave për veprën penale „Dhuna në familje”.
Një aktakuzë ndaj një personi për veprën penale „Rrezikim i trafikut publik”.
Një aktakuzë ndaj një personi për veprën penale „Vjedhje e shërbimeve”.
Një aktakuzë ndaj një personi për veprën penale „Posedimi i paautorizuar i narkotikëve, substancave psikotrope ose analoge”.
Sipas të dhënave të bëra publike, gjithsej dhjetë persona janë përfshirë në aktakuzat e ngritura nga Prokuroria Themelore në Gjilan.
Ngritja e aktakuzave shënon përfundimin e fazës së hetimeve dhe paraqitjen e çështjeve para gjykatës për shqyrtim të mëtejmë.
Duhet theksuar se personat ndaj të cilëve është ngritur aktakuzë prezumohen të pafajshëm derisa fajësia e tyre të vërtetohet me vendim gjyqësor të formës së prerë./rajonipress/