Prokuroria heton zyrtarët që morën para e dhurata

Prokuroria e Shtetit ka nisur hetimet për dyshime se dy zyrtarë të shtetit kanë përfituar materialisht nga pronarët e një universiteti ilegal turk në Prizren, shkruan sot Koha Ditore.

Prokuroria ka njoftuar se kryeprokurori i Prokurorisë Themelore në Prizren, Sylë Hoxha, ka autorizuar Njësitin për krime ekonomike dhe korrupsion në Prizren, që t’i ndërmarrë veprimet hetuese për të hetuar pretendimet e botuara në gazetën “Koha Ditore”.

Gazeta ka raportuar se zëvendësministri i Arsimit, Usmen Baldzi, dhe ish-nënkryetari i Kuvendit, Enis Kervan, janë dy prej zyrtarëve të lartë kosovarë që kanë përfituar materialisht nga pronarët e Universitetit Evropian, Jalcen Kocak dhe Mehmet Behattin Ozel. Gazeta ka dëshmi që zëvendësministri i Arsimit ka marrë të paktën një laptop nga pronarët turq, ndërsa nënkryetari i Kuvendit ka marrë të paktën 1.500 euro para të gatshme pa ndonjë përshkrim se për çfarë arsyeje është paguar.

Ish-nënkryetari i Kuvendit, Enis Kervan, që është zyrtar i lartë në Partinë Demokratike Turke – pjesëmarrëse në Qeverinë e Kosovës, që shumë vjet ka mohuar se ka marrë para nga drejtuesit e Universitetit. Por, fatura e lëshuar më 31 prill 2012, që është e nënshkruar nga Kervan, dëshmon pranimin e një shume parash pa përshkrim të qëllimit të dhënies së tyre. Kervan i ka thënë gazetës se ai nuk e ka nënshkruar faturën

http://koha.net/?id=27&l=71677