Prokuroria e Gjilanit ngritë aktakuzë kundër Leotrim Zejnullahut

Gjilan – Prokuroria Themelore e Gjilanit ka ngritur aktakuzë ndaj Leotrim Zejnullahut nga Tërpeza e Vitisë nën dyshimin se më 1 nëntor 2015 nga pakujdesia ka vrarë motrën e tij Qëndresa Zejnullahu.

Në aktakuzën e ngritur nga prokurori Agron Uka janë dhënë në mënyrë të specifikuar të gjitha detajet që quan deri tek vrasja e Qëndresa Zejnullahut më 1 nëntor 2015, raporton rajonipress.

Sipas aktakuzës Leotrim Zejnullahu më 1 nëntor 2015 në dhomën e shtëpisë së tij nga pakujdesia me vetëdije – mendjelehtësia ka kryer vrasjen e motrës Qëndresa për çka akuzohet për veprën penale “vrasje nga pakujdesia”.

Prokuroria në mënyrë profesionale ka specifikuar Historikun e procedurës, provat e siguruara gjatë zhvillimit të procedurës, të gjeturat gjatë zhvillimit të hetimeve, konstatimi lidhur me faktet e vërtetuara, baza juridike, elementet e veprave penale, analiza e provave etj.

Në këtë gjykim i cili pritet të filloj së shpejti janë caktuar edhe dëshmitarët e rastit./rajonipress/