Prokuroria e Gjilanit ngrit 16 aktakuza ndaj 20 personave, dominojnë vjedhjet dhe kanosja

Gjilan – Prokuroria Themelore në Gjilan, ka ngritur gjashtëmbëdhjetë (16) aktakuza, kundër njëzet (20) personave. Gjithashtu, Departamenti për Krime të Rënda, ka paraqitur dy (2) kërkesa për caktimin e masës së paraburgimit, ndaj dy personave të dyshuar. Njëra kërkesë është paraqitur ndaj një (1) personi me dyshimin e veprës penale “Grabitja”, ndërsa kërkesa tjetër ndaj një (1) personi me dyshimin e veprës penale “Rrezikim i trafikut publik”.

Prokuroria Themelore Gjilan: Ndalimet e personave me urdhër të prokurorit:
Departamenti për Krime të Rënda, ka ndaluar një (1) person, në kohëzgjatje prej 48 orësh, me dyshimin se ka kryer veprën penale “Rrezikim i trafikut publik”.

Kërkesat për caktimin e masës së paraburgimit (apo masa tjera):
Departamenti për Krime të Rënda, ka paraqitur dy (2) kërkesa për caktimin e masës së paraburgimit, ndaj dy personave të dyshuar. Njëra kërkesë është paraqitur ndaj një (1) personi me dyshimin e veprës penale “Grabitja”, ndërsa kërkesa tjetër ndaj një (1) personi me dyshimin e veprës penale ‘’Rrezikim i trafikut publik’’.

Aktakuzat:
Prokuroria Themelore në Gjilan, ka ngritur gjashtëmbëdhjetë (16) aktakuza, kundër njëzet (20) personave.
Departamenti për Krime të Rënda, ka ngritur këto aktakuza:
Një (1) aktakuzë kundër dy (2) personave për veprën penale “Trafikimi me njerëz” dhe
“Shërbimet seksuale të viktimës së trafikimit”dhe
Një (1) aktakuzë kundër një (1) personi për veprën penale “Përdorimi i armës apo i mjetit të rrezikshëm”.
Ndërkaq, Departamenti Përgjithshëm, ka ngritur këto aktakuza:
Pesë (5) aktakuza kundër pesë (5) personave për veprën penale “Vjedhja e shërbimeve”,
Dy (2) aktakuza kundër dy (2) personave për veprën penale “Vjedhja e pyllit”,
Një (1) aktakuzë kundër tre (3) personave për veprën penale “Asgjësimi apo dëmtimi i pasurisë”,
Një (1) aktakuzë kundër një (1) personi për veprën penale “Vjedhja”,
Një (1) aktakuzë kundër një (1) personi për veprën penale “Kanosja”,
Një (1) aktakuzë kundër një (1) personi për veprën penale “Posedimi i paautorizuar i narkotikëve, substancave psikotrope ose analoge”,
Një (1) aktakuzë kundër një (1) personi për veprën penale “Blerja, pranimi ose fshehja e sendeve të përfituara me kryerjen e veprës penale”,
Një (1) aktakuzë kundër dy (2) personave për veprën penale “Ndotja, degradimi ose shkatërrimi i mjedisit” dhe Një (1) aktakuzë kundër një (1) personi për veprën penale “Shpërdorimi i pasurisë së huaj”./rajonipress/